Pavlodar oblysynda poıyz júk kóligimen soqtyǵysty
PAVLODAR. QazAqparat - Pavlodar oblysy Sharbaqty aýdanynda temirjol quramynyń júk kóligin soǵýynan bir adam zardap shekti, dep habarlaıdy QazAqparat tilshisi.
«Sharbaqtydaǵy jol-kólik oqıǵasy 9.20-da boldy. Jedel járdem úsh mınýtta - 9.23-te bardy», - dep málim etti Pavlodar oblystyq densaýlyq saqtaý basqarmasynyń baspasóz hatshysy Elmıra Temirǵalıeva.
Onyń aıtýynsha, temirjol ótkelinde júk kóligi poıyzben soqtyǵysqan.
«Zardap shegýshi - 1975 jyly týǵan Sharbaqty turǵyny. Ol «Shyǵys joldary» JShS-da júrgizýshi bolyp jumys isteıdi. Dıagnozy: kókirek qýysy jaraqaty, jabyq bas súıek-mı zaqymy, mı shaıqalýy», - dedi Elmıra Temirǵalıeva.
Ol Sharbaqty aýdandyq ortalyq aýrýhanasyna jetkizildi.
Avtor: Anton Gagarın
