Pavlodar oblysynda polıtseı sýǵa ketken 4 stýdentti qutqardy
PAVLODAR. QazAqparat - Ortalyq jaǵajaıda sýǵa batyp kete jazdaǵan aýdandyq agrarlyq-tehnıkalyq kolledjdiń stýdentterine polıtsııa aǵa leıtenanty Ǵalymbek Jumabaev der kezinde kómek kórsete bildi, dep habarlaıdy QazAqparat pavlodarnews.kz silteme jasap.
Bul týraly Aqqýly aýdany ishki saıasat bóliminiń mamany Amanjol Erenuly málim etti.
«Ǵalymbek Jumabaev otbasymen birge jaǵajaıǵa demalýǵa barǵan, - deıdi Amanjol Erenuly. – Sol kezde І, ІІ kýrs stýdentteriniń jaǵada serýendep júrgenin kózi shalyp qalǵan. Tártip saqshysy endi bir qaraǵan sátte olardyń sýǵa batyp bara jatqanyn kórip qalyp, dereý áreketke kirisken».
Polıtsııa qyzmetkeri aldymen alysqa ketip qalǵan qyz balany jaǵaǵa shyǵaryp alyp, sońynan dereý úsh ulǵa kómek kórsetýge asyqqan. Jastarǵa medıtsınalyq qyzmet kórsetken. Stýdentter esterin jıǵannan keıin mundaı serýenniń qanshalyqty qaýipti ekenin túsindirip, úılerine jibergen.
Ǵalymbek Jumabaev ishki ister organynda 10 jyldan astam ýaqyt jumys istep keledi.
