Pavlodar oblysynda polıtseı eki turǵyndy órtten alyp shyqty
PAVLODAR. QazAqparat - Aqsý ІІB polıtsııasynyń ýchaskelik ınspektory Buqara Tıshhanbaı aýyl turǵyndaryn ot jalynynan qutqardy, dep habarlaıdy «QazAqparat» HAA tilshisi oblystyq ІІD baspasóz qyzmetine silteme jasap.
Túnde ýchaskelik ınspektordyń uıaly telefonyna Aqsý ákimshilik aımaǵy Paramonovka aýylynyń turǵyny qońyraý shalyp, aýylda úıdiń órtenip jatqanyn aıtqan. Ofıtser tez arada órt ornyna keldi. Esikti syndyryp, janyp jatqan úıge kirgen jáne edende es-tússiz jatqan ekinshi top múgedegin kórgen. Polıtseı ony syrtqa alyp shyqqan jáne jedel járdem shaqyrǵan. Sol tusta aýyl turǵyndarynan úıde taǵy bir adamnyń bolýy múmkin ekenin estigen. Ústine dymqyl jamylǵy ilgen Tyshqanbaı órtke oranǵan úıge ekinshi ret kirdi. Qatty tútinnen aınalany kórýdiń ózi qıyn edi, biraq polıtseı bólmelerdi aralap, dıvanda uıyqtap jatqan er adamdy alyp shyqty.
Adamdardy órtten qutqarýda qyraǵylyq pen kásibılik tanytqany úshin polıtsııa kapıtany Buqara Tıshhanbaı marapatqa usynyldy, dep habarlady ІІD.
Bul polıtseı Pavlodar oblysy Aqsý qalasy okrýgy Paramonovka aýylynda qyzmet etedi. Ol ishki ister organdarynda 2005 jyldan beri jumys isteıdi, bes jasar uly men úsh jasar qyzy bar.
