Pavlodar oblysynda ózine qol jumsaǵan balanyń isine qatysty sotqa deıingi tergeý jumystary bastaldy
PAVLODAR. QazAqparat - Pavlodar oblysy Jelezın aýylyndaǵy 10 jasar balanyń ózine-ózi qol jumsaýynyń sebebi ázirge belgisiz, dep habarlaıdy «QazAqparat» HAA tilshisi.
Jelezın aýdany ákiminiń áleýmettik máseleler boıynsha orynbasary Qanat Kımalıtdenov habarlaǵandaı, «búldirshin jaqsy otbasynan shyqqan. Oqıǵa ornynda krımınalıster jumys jasady - olardyń nátıjelerin kútýdemiz».
Onyń aıtýynsha, Jelezın aýylyndaǵy №3 jalpy bilim beretin orta mekteptiń besinshi synyp oqýshysynyń sabaq úlgerimi jaqsy bolǵan, mekteptiń qoǵamdyq ómirine belsene qatysqan.
Bala óz úıinde asylǵan kúıinde tabylǵan. Polıtseılerdiń deregine súıensek, balanyń denesin 18 qańtar kúni jumystan kelgen anasy kórgen. «Ózin-ózi óltirýge ıtermeleý» baby boıynsha sotqa deıingi tergeý jumystary júrgizilýde, qajetti saraptamalar belgilengen. Eshqandaı hat tabylmaǵany belgili boldy. Bul otbasynda 2014 jyly týǵan taǵy bir bala bar.
