Pavlodar oblysynda ÓJÓ kólemi rekordtyq kórsetkishke jetti
ASTANA. QazAqparat - Óńirlik jalpy ónim ótken jylǵy kórsetkishterge qaraǵanda 6,2%-ǵa ósken. Sonymen birge, jan basyna shaqqandaǵy óńirlik jalpy ónim (ÓJÓ) 1,3 mln teńgeni qurady, bul ortasha respýblıkalyq deńgeıden 12%-ǵa joǵary, dep habarlaıdy pavlodarnews.kz.
2015-2016 jyldary Pavlodar oblysyndaǵy jalpy óńirlik ónimniń kólemi tıisinshe 99,4% jáne 99,7% bolǵan. Al, bıyl ÓJÓ birinshi jarty jyldyqtaǵy kórsetkish boıynsha 106,2%-dy qurady.
Pavlodar oblysynda 54 mıllıon tonna kómir óndirip, bul ótken jylmen salystyrǵanda 12,3%-ǵa artyq. Elektrmen jabdyqtaý, gaz óndirisiniń kólemi 204,6 mlrd teńgeni qurady, naqty kólem ındeksi ótken jyldyń osy kezeńimen salystyrǵanda 106,6% qurady.
Oblys aýmaǵynda ornalasqan elektr stantsııalary shamamen 30 mlrd kVt/saǵ elektr energııasyn óndirgen. Bul 2016 jylǵy kórsetkishten 23,5%-ǵa kóp.
Sýmen jabdyqtaý sektorynda shyǵarylǵan ónim kólemi 8,8 mlrd teńgeni qurady, bul ótken jylǵy kórsetkishterden 10,7%-ǵa kóp.
Jýyrda Pavlodar oblysynyń ákimi Aqsý qalasyndaǵy zaýyttarda bolyp, ónerkásip óndirisiniń damýyna kóz jetkizdi. «EEK» AQ-da Bolat Baqaýov keler jyldyń aqpan aıynda aıaqtalatyn №5 bloktyń kúrdeli jóndeý jumystarymen tanysty. Belgili bolǵandaı, munda barlyq qyzmetkerlerge 18,5 myń teńgege jalaqyny kóterip bergen. Sondaı-aq, aımaq basshysy Aqsý ferro
