Pavlodar oblysynda óz ulyn óltirdi degen kúdikpen mas áıel ustaldy
ASTANA. QazAqparat - Pavlodar oblysyna qarasty Sharbaqty aýdanynda jergilikti polıtsııa qyzmetiniń ýchaskelik ınspektory aýyr qylmys jasady degen kúdikpen 60 jastaǵy aýyl turǵynyn «izin sýytpaı» ustady, dep habarlaıdy pavlodarnews.kz
Bul týraly agenttiktiń resmı saýal hatyna joldaǵan jaýabynda oblystyq ІІD baspasóz qyzmeti habarlady.
«Áıel alkogoldik mas kúıde týyndaǵan janjal barysynda 40 jastaǵy óziniń ulyna pyshaq jaraqatyn keltirgen. Saldarynan er adam qaıtys boldy. Ustalǵan kezde kúdikti ýchaskelik polıtsııa ınspektoryna qarsylyq kórsetken, oǵan dene jaraqattaryn keltirgen. Qylmys ornynan pyshaq alyndy jáne zattaı dáleldeme retinde sotqa deıingi tergeý materıalyna qosyldy», - dedi mamandar.
Osy jaǵdaıǵa qatysty QR QK-niń 106-baby, 3-bólimi - «Densaýlyqqa qasaqana aýyr zııan keltirý» jáne 380-baby, 1-bólimi - «Quqyq qorǵaý organy, arnaýly memlekettik organ qyzmetkeriniń, áskerı qyzmetshiniń ómirine qolsuǵýshylyq» boıynsha tergeý jalǵasýda.
Kúdikti qamaýda. Alǵashqy bap boıynsha kúdikti segiz jyldan on eki jylǵa deıingi merzimge bas bostandyǵynan aıyrylýy múmkin. Al, ekinshi bap boıynsha múlki tárkilenip nemese onsyz, on jyldan on bes jylǵa deıingi merzimge bas bostandyǵynan aıyrý jazasy qoldanylýy múmkin.
