Pavlodar oblysynda otbasylyq is-sharalarǵa tyıym salyndy
PAVLODAR. QazAqparat - Pavlodar oblysynyń Bas memlekettik sanıtarlyq dárigeri Batyrbek Álıevtiń №10 qaýlysy jarııalandy, dep habarlaıdy Pavlodarnews.kz.
Qaýlyǵa sáıkes qalaralyq jáne aýdanaralyq avtobýs tasymaldaryn ázirge toqtata turmaq. Sondaı-aq oıyn-saýyq, otbasylyq is-sharalar, úıde jáne adamdar kóp jınalatyn ózge de is-sharalardy ótkizýge tyıym salynǵan.
Oıyn-saýyq mekemeleriniń, barlyq mádenıet jáne dinı obektilerdiń, basseınder, qalalyq, qoǵamdyq jaǵajaılardyń (onyń ishinde jabdyqtamlaǵan) jumysy áli bastalmaıdy.
Qoǵamdyq tamaqtaný oryndary saǵat 8:00-den 22:00 aralyǵynda sanıtarlyq talaptardy saqtaı otyra jumys jasaıdy. Saýda ortalyqtary da erejeni saqtaı otyryp 10:00-den 22:00-ge deıin jumys jasamaq.
Mektepke deıingi mekemelerde 15 adamnan aspaıtyn kezekshilik toptarǵa ruqsat beriledi. Oǵan qosa, balalardy túzetý kabınetteriniń, bilim berý ortalyqtarynyń, balalardy damytý ortalyqtarynyń, úıirmelerdiń, 5 adamnan aspaıtyn toptardyń jumysyna jazylý boıynsha ruqsat beriledi.
Syıymdylyǵyn 50%-dan asyrmaı qonaq úıler, demalys úıleri, sanatorııalardyń jumysyna ruqat beriledi. Al, týrıstik obektilerde saǵat 10:00-den 20:00-ge deıin shekteýli jumys jasaýǵa ruqsat.
Jumys ýaqytyn saǵat 22:00-ge deıin shekteı otyra sulýlyq salondary, shashtarazdar, monsha, saýnalar, fıtnes ortalyqtarynyń jumysyna ruqsat beriledi. Alaıda, syıymdylyǵy 50%-dan aspaýy tıis.
Qoǵamdyq oryndarda, qyzmet kórsetýge jáne demalýǵa arnalǵan úı-jaılarda, qoǵamdyq kólikterde (taksıdi qosa), ashyq aspan astynda qoǵamdyq oryndarda bolǵan kezde barlyq adamdarǵa medıtsınalyq nemese mata betperdelerin kııý mindet.
Sonymen qatar, demalys kúnderi qoǵamdyq kólik, saýda ortalyqtary, sulýlyq salondarynyń jumysy toqtatylady.
