Pavlodar oblysynda ósirilgen qarbyz Reseıge eksporttalýda
AQQÝLY. QazAqparat - Bıyl Aqqýly aýdanynda 2000-nan astam gektarǵa egilgen baqsha daqyldarynan 80 myń tonnadan astam ónim alynǵan, dep habarlaıdy QazAqparat pavlodarnews.kz silteme jasap.
- Sońǵy úsh jylda QARBYZ festıvali ótkizilmegen bolatyn, - deıdi aýdan ákimi Abzal Balǵabaev. – Bıyl aýyl sharýashylyǵy taýar óndirýshileriniń usynysymen dástúrli shara qaıtadan qolǵa alyndy. Aýdanda barlyǵy 20 baqshashy qarbyzdyń 80 túrin egedi. Onyń ishinde qyrkúıektiń sońynda pisetin «holodok» degen túri kópshilikke keńinen tanymal jáne brendke aınalǵan dese bolady.
Aýdan basshylyǵynyń aıtýynsha, «Shapýov» sharýa qojalyǵy qaýynnyń 10 túrin ósiredi. Kelesi jyly asqabaqtyń dánderin óńdeý, sondaı-aq, 3000 gektardan astam sýarmaly jerlerdi ulǵaıtý josparlanyp otyr. Qarbyzdyń basym bóligi Reseı eline eksporttalady.
Sonymen qatar, bıyl Nur-Sultan qalasyna 30 tonna ónim jiberilgen. Sharbaqty aýyldyq okrýginiń ákimi Talǵat Qasenov ótken jylmen salystyrǵanda bıyl jemis pisetin kezde jańbyr bolmaǵanyn aıtady.
- Egin alqaptarynan kelisi 30-40 teńgeden satylady, - deıdi ákim. - Barlyǵy 17 sharýa qojalyǵy qarbyz ósirýmen aınalysady. Onyń ishindegi eń irisi – «Shapýov» qojalyǵy qarbyzdyń 50 túrin egedi. Bıyl gektarynan 15-20 tsentner ónim alyndy. Ótken jyly bul kórsetkish 35 tsentnerge deıin jetken. Asqabaq ta shamamen osyndaı kólemde alyndy. Alqaptarda ónimniń 10 paıyzyn jınaý qaldy. Aldaǵy kúnderi úsik júredi. Sondyqtan jıyn-terim jumystary qarqyndy júrýde.
Bıyl salmaǵy 24 keli tartatyn qarbyz alǵan «Aqqum» ShQ basshysy Abaı Túsipov mundaı iri qarbyzdar jyl saıyn kezdesetinin aıtady. Degenmen, bıyl osyndaı kólemdegi qarbyz alǵash ret tirkelgen.
- Bul kásip ákemizden sabaqtas retinde sonaý 90 jyldardan jalǵasyp keledi, - deıdi qojalyq ıesi. – Bizdiń qarbyzdardy Nur-Sultan, Omby, Novosibir qalalarynan kezdestirýge bolady. Búginde suranys jaqsy. Bıyl gektarynan 15-20 tonna, barlyǵy 100 tonnadan astam ónim aldyq. Onyń jartysy Reseı eline eksporttaldy. Kóbinese golland suryptaryn egemiz jáne tyńaıtqyshtardy qoldanbaımyz. ıAǵnı, taza tabıǵı ónim.
Merekelik shara barysynda saýda-sattyq jármeńkesi men ár aýyldyq okrýgtiń festıvalge arnaıy daıyndaǵan kontserttik baǵdarlamasy jáne sán kórsetilimi uıymdastyryldy. Olardyń ishinde Malybaı aýyldyq okrýgi birinshi oryndy, ıAmyshev aýyldyq okrýgi ekinshi oryndy jáne Qyzylásker aýyldyq okrýgi úshinshi orynǵa ıe bolyp, arnaıy syılyqtarmen jáne alǵys hattarmen marapattaldy.
