Pavlodar oblysynda ósimdik sharýashylyǵyna 3,1 mrd teńge sýbsıdııa bólindi
PAVLODAR. QazAqparat - Bıylǵy jyly Pavlodar oblysyna egin egý úshin 3,1 mıllıard teńge sýbsıdııa bólindi. Bul týraly oblystyq aýyl sharýashylyǵy basqarmasy ósimdik sharýashylyǵy jáne mehanızatsııa bóliminiń bas mamany Baıbolat Rahymjanov málim etti, dep habarlaıdy pavlodarnews.kz.
«Byltyrǵy jyly ósimdik sharýashylyǵyna 3,5 mıllıard teńge bólingen bolatyn. Aldaǵy ýaqytta da sýbsıdııa kólemi azaıa beredi. Óıtkeni qarajat nesıeleý, paıyzdyq ústeme syndy basqa baǵyttarǵa jiberilýde. Dıhandarǵa qarjy bes baǵdarlama boıynsha - kóktemgi egiske qajetti zattardyń qunyn arzandatý, gerbıtsıd, mıneraldy tyńaıtqyshtar satyp alý, sý aqysy jáne tuqym sharýashylyǵyna usynylady, dedi Baıbolat Rahymjanov.
Bas mamannyń aıtýynsha, «Mıneraldy tyńaıtqyshtar» baǵdarlamasy boıynsha sýbsıdııaǵa ótinishter elektrondy túrde qabyldanyp jatyr. Ózge baǵdarlamalar osy jyldyń ishinde elektrondy nusqaǵa kóshiriledi.
Aıta keteıik, bıyl «Kóktemgi egiske qajetti zattardyń qunyn arzandatý» baǵdarlamasy boıynsha oblysta jeńildetilgen baǵamen 16 myń tonna janar-jaǵarmaı bólinip, 100 paıyz taratyldy.
