Pavlodar oblysynda ósimdik sharýashylyǵyn damytýǵa 2,8 mlrd. teńge sýbsıdııa bólingen
ASTANA. QazAqparat - Pavlodar oblysyndaǵy ósimdik sharýashylyǵymen aınalysatyn sharýashylyqtarǵa qarjylaı qoldaý kórsetý úshin 2,8 mlrd teńge sýbsıdııa beriledi, dep habarlaıdy pavlodarnews.kz.
Bul týraly Ertis aýdanynda ótken jıynda oblystyq aýyl sharýashylyǵy basqarmasynyń basshysy Oraz Dúzdenbaev málim etti. Jınyǵa aýdan ákimi Serik Batyrǵojınov jáne aýyl ákimderi qatysty.
Basqarma basshysynyń málimetinshe, atalǵan soma maıly daqyldar men qant qyzylshasyn ósirýshi sharýalarǵa úlestirilmek. Sonymen qatar, mıneraldy tyńaıtqyshtarǵa jáne tuqym sharýashylyǵyn qoldaýǵa 200 mıllıon teńge qarastyrylǵan. Bul birinshi jartyjyldyqtyń nátıjesi.
«Mal sharýashylyǵyna 2,6 mıllıard teńge sýbsıdııa beriledi. Bul qarjy kooperatıvterdi jáne shaǵyn bıznesti damytýǵa baǵyttalǵan. ıAǵnı, asyl tuqymdy aıǵyrlar men asyl tuqymdy buqalar satyp alǵan kásipkerlerge usynylady. Aldaǵy ýaqytta júktelgen mindetterdi jan-jaqty saralaı otyryp jumys jasaımyz. Aýdandardaǵy agrarlyq salada qyzmet jasap júrgen seriktestikter men qojalyqtardyń basshylarymen jáne aýyl ákimderimen birge kún tártibinde turǵan máselelerdi birlesip sheshsek nátıjeli bolady», - dedi Oraz Dúzdenbaev.
Shara barysynda «Agrarlyq nesıelik korporatsııa» AQ dırektorynyń orynbasary Іzbasar Júsipekov, «Aýyl sharýashylyǵyn qarjylaı qoldaý qorynyń» AQ ókili Maralbek Jumabaev jáne «Pavlodar aýylsharýashylyǵy ǵylymı zertteý ınstıtýtynyń» dırektory Baqyt Irmýlatov óz taraptarynan atqarylyp jatqan jumystarǵa toqtaldy.
