Pavlodar oblysynda órtengen úıden er adam men 6 jasar balanyń denesi tabyldy

PAVLODAR. QazAqparat - Pavlodar oblysynda er adam men kishkentaı bala órtenip ketti, úsh jasar qyzdy kórshisi qutqaryp qalǵan, dep habarlaıdy QazAqparat oblystyq TJD baspasóz qyzmetine silteme jasap.

19 jeltoqsan saǵat 23.13 kezinde qutqarý qyzmetine órt týraly habar kelgen.

Tereńkól aýdany Tereńkól aýyly Elgın kóshesi, 16 mekenjaıynda bir qabatty qamystan salynǵan úıde órt tutanǵan. Jalyn shamamen 64 sharshy metr aýmaqty sharpydy.

Shatyr jartylaı qulap qalǵan.

Órt sóndirý bólimi kelgenge deıin 2019 jyly týǵan qyzdy kórshisi qutqaryp úlgergen.

Ol aýrýhanaǵa jatqyzyldy. Bala kómirtegi totyǵynan ýlanǵan, oń qabaǵy jáne betiniń sol jaǵy birinshi dárejeli termııalyq kúıik alǵan.

Barlaý kezinde úıindiniń astynan 1958 jyly týǵan er adam men 2016 jyly týǵan balanyń kúıgen denesi tabyldy.

Órt 20 jeltoqsan saǵat 01.47 shamasynda tolyq sóndirildi.

Tilsiz jaýmen kúreske barlyǵy 8 qyzmetker jáne 3 tehnıka jumyldyryldy.

Foto: Pavlodar oblysy TJD