Pavlodar oblysynda órt kezinde eki egde adam qaza tapty
PAVLODAR. QazAqparat - Aqsý qalasynda órt aýyzdyqtalǵannan keıin egde jastaǵy er adam men áıeldiń denesi tabyldy, dep habarlaıdy «QazAqparat» HAA tilshisi.
«Aqsý qalasynda B.Momyshuly kóshesindegi jeke úıden órt shyqty. Órt 08:04-te aýyzdyqtalyp, 09:20-da sóndirildi. Órttiń aýmaǵy 80 sharshy metrdi qurady. Órt bolǵan jerden eki adamnyń denesi tabyldy: 1930 jylǵy er adam men 1962 jastaǵy áıel», - dep málimdedi Pavlodar oblystyq TJD ókilderi.
Órtti sóndirýge jeke quramnyń segiz qyzmetkeri men eki tehnıka, kezekshi tergeý-jedel tobynyń jeti mamany tartyldy.
