Pavlodar oblysynda ónerkásip óndirisiniń kólemi 5 aıdyń ishinde 3,4 paıyzǵa ósti
PAVLODAR. 16 maýsym. QazAqparat - Pavlodar oblysynda ónerkásip óndirisiniń kólemi qańtar-mamyr aılarynda 432,8 mlrd. teńgeni qurady, bul ótken jyldyń sáıkes kezeńimen salystyrǵanda 3,4 paıyzǵa artyq, dep habarlady statıstıka departamentiniń baspasóz qyzmeti.
Óńdeý ónerkásibinde óndiris kólemi 5,9 paıyzǵa ósti, elektrmen jabdyqtaý, gazdy jetkizý, aýa jáne bý baptaý salasynda 7,3 paıyzǵa artty.
Taý-ken ónerkásibi men karerlerdi ıgerý salasynda óndiris kólemi 2 paıyzǵa azaıdy.
Aýyl sharýashylyǵy óniminiń jalpy kólemi qańtar-mamyr aılarynda 18,1 mlrd. teńgeni qurady, bul 2011 jyldyń sol kezeńimen salystyrǵanda 4,3 paıyzǵa kem.
Negizgi kapıtalǵa kelip túsken ınvestıtsııanyń kólemi 56,4 mlrd. teńgeni qurady, bul ótken jylmen salystyrǵanda 18,8 paıyzǵa artyq.
Júk taýar aınalymynyń kólemi 2012 jyldyń qańtar-mamyr aılarynda 10,1 mlrd. tonna- shaqyrymdy, ósim 21,2 paıyzdy qurady.
Bólshektep satýdyń aınalymy 2012 jyldyń 5 aıynda 62,4 mlrd. teńgeni qurap, 13,3 paıyzǵa ósti.
