Pavlodar oblysynda oqýshy sany az mektepter jabyla ma
PAVLODAR. QazAqparat - Pavlodar oblysynda oqýshy sany az mektepter jabylmaıdy. Bul týraly óńir ákimdiginen málim etti, dep habarlaıdy QazAqparat tilshisi.
«Óńirde qala jáne aýyl mektepteri arasyndaǵy bilim berý sapasynyń aıyrmashylyǵyn qysqartý jáne oqýshy sany az mektepterdiń máselesin sheshý basty maqsat bolyp otyr», - dep málim etti Pavlodar oblysy ákimdiginiń baspasóz qyzmetinen.
Óńir basshysy Bolat Baqaýovtyń aıtýynsha, oblys bıligi ondaı mektepterdi jabýdy maqsat etip otyrǵan joq.
«Mektep jabylmaıtyndaı etýge umtylý kerek. Halyq shoǵyrlanǵan aýdandardyń, tipti elimizdiń basqa oblystarynyń turǵyndaryn halyq sırek ornalasqan eldimekenderge kóshirip ákelý jumystaryn júrgizý qajet. Eger aýylǵa bes-alty otbasy kelse, mektepte oqýshy sany kóbeıe túsip, máseleniń bári sheshiledi», - deıdi oblys ákimi.
Aıta keteıik, 30 qańtar kúni Pavlodar oblysy mektepteriniń vakantty dırektor laýazymdaryna kandıdattar úshin alǵashqy testileý bastalady. Odan keıin úmitkerler qamqorshylyq keńesiniń aldynda mektepti damytý jónindegi bolashaqty josparyn qorǵaıdy.
Avtory: Anton Gagarın
Foto Valerııa Býgaeva
