Pavlodar oblysynda oqýshy qyz úıinen qashyp ketken
ASTANA. QazAqparat - Pavlodar oblysynyń Jelezın aýdanynan qashyp ketken 9-synyp oqýshysyn úsh kún boıy izdedi, dep habarlaıdy pavlodarnews.kz">pavlodarnews.kz .
Belgili bolǵandaı, 15 jastaǵy Sánııa Kolomnıkova Astana qalasyna ketip qalǵan. Bul týraly qyzdyń ákesi bilmegen bolyp shyqty. Sánııanyń anasy osy jyldyń kókteminde aýyr dertten kóz jumǵandyqtan ol ákesimen ǵana qalǵan.
«Jańa oqý jylynda qyzym ony №1 mektepke aýystyrýdy surady. Sebebi, mektep úıge jaqyn. Aramyzda eshqandaı urys bolǵan joq. Sonda da, Sánııa ony balalar úıine tapsyrýdy ótindi. Nelikten solaı aıtqanyn túsinbeımin. Negizi, qashýǵa daıyndalǵany endi kórinip qaldy. Óıtkeni, qolyndaǵy eki telefonyn satqan jáne mende 10 myń teńge joǵalyp ketti. Osy aqshaǵa ol Pavlodarǵa deıin jetip, taksımen Astanaǵa ketip qaldy», - dedi qyzdyń ákesi Vladımır Kolomnıkov.
Taksı júrgizýshisi kórsetilgen sýretterge qarap, qyzdy tanyda jáne ony Astanaǵa deıin jetkizgenin moıyndady.
«Sánııaniń sabyrly qyz. Negizi qalaǵa barýǵa qorqatyn. Pavlodarda áıelimniń týystary turady. Olarmen anda-sanda habarlasyp turamyz, biraq mekenjaılaryn bilmeımiz. Meniń oıymsha oǵan bireý kómektesken sııaqty», - dedi Vladımır Kolomnıkov.
Qyzynyń joǵalyp ketkeni týraly ótinishti ákesi ІІD-ne keshe jazǵan. Oqýshyny áleýmettik jeliler arqyly da izdeı bastaǵan. Dese de, Sánııa keshe Astana qalasynda tabyldy. Jaqyn arada ol úıine qaıtyp kelýi kerek.
