Pavlodar oblysynda oqýshy burysh spreıin shashyp, 310 adam mektepten evakýatsııalandy

AQSÝ. QazAqparat – Pavlodar oblysynda oqýshy mektepte burysh spreıin shashyp, 310 adam evakýatsııalandy. Zardap shekkender joq, dep habarlaıdy QazAqparat polisia.kz telegram kanalyna silteme jasap.

Búgin, 16 aqpan kúni Aqsý qalasynyń polıtsııasyna Qalqaman kentiniń mektebindegi sanıtarlyq bólmede belgisiz bireýdiń burysh spreıin shashqany týraly shaqyrý túsedi.

Oqıǵa ornyna jedel-tergeý toby shyqty. Mektep ǵımaratynan 310 adam, onyń ishinde 291 oqýshy evakýatsııalandy. Zardap shekkender joq.

Beınebaqylaý kameralaryn tekserý nátıjesinde spreıdi osy mekteptiń 9-synyp oqýshysy shashqany anyqtaldy.

Atalǵan fakt boıynsha jasóspirimniń zańdy ókiline qatysty QR ÁQBtK-niń 435-baby boıynsha ákimshilik is qozǵaldy, materıal qoldanystaǵy zańnama sheńberinde sharalar qabyldaý úshin sotqa jiberiledi.

Foto: t.me/POLICE_of_KZ