Pavlodar oblysynda ógiz ıesin súzip óltirdi
AQSÝ. QazAqparat - Qaıǵyly oqıǵa Aqsý qalasyna qarasty Aqjol aýylynda oryn alǵan, dep habarlaıdy QazAqparat pavlodarnews.kz silteme jasap.
Oblystyq polıtsııa departamentiniń baspasóz qyzmeti habarlaǵandaı, 11 qyrkúıekte tańǵy saǵat 8.00-de bordaqylaýda turǵan ógiz bosanyp ketip, aýyldyń tabynyna baryp qosylǵan.
«Maldy úıge qaıtaramyn degen ıesi onyń sońynan júgirgen. Asyl tuqymdy ógiz ıesin jaralap, saldarynan 62 jastaǵy er adam qaıtys boldy. Uzaqqa joǵalyp ketken ákesiniń denesin uly tapqan», - dep habarlaıdy polıtseıler.
Atalǵan fakti tirkelip, saraptama taǵaıyndaldy.
