Pavlodar oblysynda naızaǵaıdyń túsýinen 55 gektarǵa jýyq ormandy alqap órtenip ketti
ASTANA. 2 tamyz. QazAqparat - 2012 jyldyń 1 tamyzynda «Ertis ormany» MOTR Besqaraǵaı fılıalynyń Maraldy ormanshylyǵynda 55 gektarǵa jýyq alqapta orman órti oryn aldy.
Bul týraly QR AShM-niń baspasóz qyzmetinen málim etti.
Órt sol kúni saǵat 23:30-da orman kúzeti men órtke qarsy memlekettik qyzmet qyzmetkerleriniń kúshimen sóndirildi.
Aýyl sharýashylyǵy mınıstrliginen naqtylaǵandaı, órt naızaǵaıdyń túsýinen boldy.
Órtti sóndirý barysynda «Ertis ormany» MOTR Shaldaı jáne Besqaraǵaı fılıalynyń, Lebıaji aýdanynyń órt sóndirý bólimshesiniń qyzmetkerleri men jergilikti halyq qatysty. Barlyǵy órt sóndirýge 30 adam, 6 órt sóndirý mashınalary, 4 traktor, 4 patrýldi avtokólik jáne «Qazavıaormanqorǵaý» RMQK tikushaǵy jumyldyryldy.
Orman órti faktisi týraly Pavlodar oblysynyń TJD-na habarlandy.
