Pavlodar oblysynda mototsıkl júrgizýshisi jol apatynan qaza tapty
PAVLODAR. QazAqparat – Pavlodar oblysynda mototsıkl júrgizýshisi jol apatynan qaza tapty. Oqys oqıǵa Lenın – Kýrchatov avtojolynyń boıynda oryn alǵan, dep habarlaıdy QazAqparat Ravlodarnews.kz-ke silteme jasap.
Oblystyq PD baspasóz qyzmetiniń málimetinshe, 27 mamyr kúni saǵat 14.15-te Maı aýdany Eńbekshi aýylynyń mańynda 49 jastaǵy mototsıkl júrgizýshisi rýlge ıe bola almaı, aýdarylyp qalǵan.
- Jol-kólik oqıǵasy saldarynan júrgizýshi oqıǵa ornynda kóz jumdy. Mototsıkl arnaıy aıyp turaǵyna qoıyldy. Sot-medıtsınalyq saraptama taǵaıyndaldy, - dep habarlady Pavlodar oblysy polıtsııa departamenti bastyǵynyń orynbasary Jandos Orymbaev.
Sondaı-aq saǵat 19.00-de Pavlodar qalasynda Kataev – Tolstoı kósheleriniń qıylysynda «Mıtsýbısı Delıka» avtokóliginiń 34 jastaǵy júrgizýshisi jaıaý júrginshini qaǵyp ketken. Jol-kólik oqıǵasy saldarynan zeınetker jaraqat alyp, aýrýhanaǵa jetkizildi. Avtokólik aıyp turaǵyna qoıyldy.
Aıta keteıik, aǵymdaǵy jyldyń basynan oblys aýmaǵynda 125 JKO tirkelgen, saldarynan 7 adam qaza taýyp, 191 adam jaraqat alǵan.
