Pavlodar oblysynda moped mingen jasóspirimder jol apatyna ushyrady
PAVLODAR. QazAqparat – Pavlodar oblysynda oryn alǵan jol-kólik apaty saldarynan eki jasóspirim aýrýhanaǵa jetkizildi, dep habarlaıdy QazAqparat Polisia.kz saıtyna silteme jasap.
Jol apaty 4 tamyz kúni saǵat 17:35-te Pavlodar aýdanynyń Lýgansk aýylynda oryn alǵan.
«Sovetov» pen «50 let Oktıabrıa» kósheleriniń rettelmelmeıtin qıylysynda nómiri joq ALFA mopedin júrgizip kele jatqan 13 jastaǵy bala jol erejesin buzyp, Nissan kóligine soǵylǵan. Jol apaty saldarynan kámelet jasqa tolmaǵan júrgizýshi men 15 jastaǵy jolaýshy túrli jaraqatpen aýrýhanaǵa jetkizildi. Kólik arnaıy turaqqa qoıyldy», - dedi Pavlodar oblysy polıtsııa departamenti bastyǵynyń birinshi orynbasary Jasqaırat Qaıyrov.
Tekserý barysynda kámeletke tolmaǵandar ata-anasynyń baqylaýynsyz shyǵyp ketkeni, olardyń kólik júrgizý qujaty joq ekeni, tipti ony júrgizip úırenbegeni anyqtaldy. Jasqaırat Qaıyrov jol-kólik oqıǵasy faktisin tekserýden bólek jasóspirimderdiń ata-anasyn jaýapkershilikke tartý máselesi qarastyrylatynyn aıtty. Olardyń tártibin Kámelettik jasqa tolmaǵandardyń isteri jónindegi komıssııa qarastyrady. Sondaı-aq ata-analaryna qatysty ákimshilik óndiris qozǵalady.
Aıta keterligi, jyl basynan beri Pavlodar oblysynda kámelet jasqa tolmaǵandarǵa qatysty 52 jol-kólik oqıǵasy tirkelip, saldarynan 63 adam túrli jaraqat alǵan.
