Pavlodar oblysynda mektepterdegi kompıýterdiń 50 paıyzy eskirgen
NUR-SULTAN. QazAqparat - Pavlodar oblysynyń mektepterindegi kompıýterlerdiń 50%-y eskirgen. Bul týraly aqparat oblys əkimdiginde ótken keńeıtilgen keńeste məlim boldy, dep habarlaıdy QazAqparat pavlodarnews.kz-ke silteme jasap.
Oblystyq bilim berý basqarmasynyń basshysy Dinıslam Bolathanulynyń málimdeýinshe, mektepterdegi tehnıkalyq qamsyzdandyrý - bilim berý salasyndaǵy ózekti məseleniń biri.
«Barlyq mektepter keń jolaqty ınternetpen qamtylǵanmen, 255 oqý ornynda onyń jyldamdyǵy 4-15 Mbıt/sek, - deıdi Dinıslam Bolathanuly. - Internet jyldamdyǵyn keminde 15-20 Mbıt/sekýndqa deıin arttyrýdy kózdep otyrmyz».
Oǵan qosa 29 aýylda ınternet jelisi əlsiz nemese múldem joq. Oblys əkimi Əbilqaıyr Sqaqov elimizdegi bilim berý salasy əlemniń eń damyǵan elderdegi qarjylandyrý deńgeıine jetpese de jumysty barynsha tıimdi ótkizý qajettiligin atap ótti.
