Pavlodar oblysynda mektep pen ákimshilik ǵımarattyń shatyryn jel ushyryp áketti

PAVLODAR. QazAqparat –Pavlodar oblysynda jel mektep pen úıdiń shatyryn julyp áketti, dep habarlaıdy QazAqparat Pavlodarnews.kz saıtyna silteme jasap.

Oblystyq tótenshe jaǵdaılar departamentiniń aqparatyna sáıkes oqıǵa kezinde zardap shekkender joq.

8 naýryz kúngi jyldamdyǵy 27 m/s deıingi ekpindi jeldiń saldarynan 2 eldi mekende shatyrdyń qulaýy oryn alǵan.

Baıanaýyl aýdany Jańatilek aýylyndaǵy mekteptiń shatyry ishinara buzylyp, 51 sh. m. kólemdegi shatyryn jel ushyryp ketken.

Sonymen qatar Pavlodar qalasy Kataev kóshesi 18 mekenjaıyndaǵy 4 qabatty ákimshilik ǵımarattyń 1440 sharshy metr kóleminde shatyry qulaǵan.

«Bunda shatyrdyń sońǵy jóndeý jumystary 1980 jyly júrgizilgen. 2022 jylǵy jóndeý jumysy aıaqtalmaǵan», - dedi departamentte.