Pavlodar oblysynda medıtsınalyq qyzmetti tóleý departamentiniń basshylary paramen ustaldy
ASTANA. QazAqparat - Sybaılas jemqorlyqqa qarsy is-qımyl ulttyq bıýrosynyń Pavlodar oblysy boıynsha departamenti QR DSÁDM Medıtsınalyq qyzmetti tóleý komıtetiniń oblys boıynsha departamentiniń basshysy D. Qazanǵapov pen onyń orynbasary N. Ahanaevany ustady.
«Laýazymdy tulǵalardyń tegin medıtsınalyq kómek kepildi kólemin kórsetýge sharttarǵa kedergisiz qol qoıyp jáne jalpy qamqorlyq jasaǵany úshin medıtsınalyq mekeme basshylarynan júıeli túrde para alǵany anyqtaldy», delingen departament taratqan habarlamada.
Sonymen, sybaılas jemqorlyqqa qarsy qyzmet Ekibastuz qalasy №2 emhanasynyń bas dárigeri Qabyltaevtan, №3 emhana bas dárigeri Sákenovadan jáne basqalardan 200 000 teńgeden astam para alý kezinde D. Qazanǵapov pen N. Ahanaevany ustady.
Qazir D. Qazanǵapov, N.Ahanaeva, S. Qabyltaev, Q. Sákenova Pavlodar qalasy ÝUI qamaldy.
Tergeý júrip jatyr.
