Pavlodar oblysynda medbıkege til tıgizgen turǵyn qamaldy
PAVLODAR. QazAqparat – Sotta er adam óziniń kinásin moıyndap, zardap shekken medıtsınalyq qyzmetkerden keshirim surady, dep habarlaıdy QazAqparat Pavlodarnews.kz-ke silteme jasap.
Bul týraly Ertis aýdanynyń polıtsııa bólimshesiniń bastyǵy Dáýlet Moldabaev málimdedi.
«34 jastaǵy mas er adam 22 jastaǵy medbıkege til tıgizgen. Medıtsınalyq qyzmetkerdi qorlaı otyryp, ol aınalasyndaǵylarǵa qurmetsizdik bildirdi», - dedi Dáýlet Moldabaev.
Tártip buzýshyǵa qatysty QR ÁQBtK-niń 1-bólimi 434-baby boıynsha ákimshilik óndiris qozǵaldy. Ertis aýdandyq soty aýyl turyǵynyn aıypty dep tanyp, ony úsh táýlikke ákimshilik qamaýǵa aldy.
Sot taǵy bir Ertis aýdanynyń turyǵyna 5 ÁEK kóleminde aıyppul saldy. 44 jastaǵy er adam óziniń 58 jastaǵy aýyldasyna til tıgizgen. Oblystyq polıtsııa departamentinde uqsas quqyq buzýshylyqtar jasaǵany úshin 741 adam ákimshilik jaýapqa tartylǵanyn habarlady.
