Pavlodar oblysynda maınıngtik kompanııada órt shyqty

PAVLODAR. QazAqparat – Pavlodar oblysynda maınıngtik kompanııada órt shyqty. Jalyn tili 150 sharshy metr aýmaqty sharpyǵan. Maınıng jabdyqtary jáne qabyrǵa qaptamasy jandy, dep habarlaıdy QazAqparat tilshisi.

«13 sáýir kúni saǵat 15:01-de Ekibastuz aımaǵyndaǵy Solnechnyı aýylynda «BTC-KZ» JShS-degi (№2 arnaıy mamandandyrylǵan órt bólimshesinen 40 shaqyrym jerde) órt týraly habar tústi. Maınıngtik kompanııa aýmaǵynda maınıngke arnalǵan jabdyqtardyń jáne qabyrǵa qaptamasynyń tutanýy 150 sharshy shaqyrym jerdi aldy», - dep habarlady Pavlodar oblysy polıtsııa departamenti baspasóz qyzmetinen.

Óńirdiń TJD baspasóz qyzmeti kásiporyndaǵy órttiń saǵat 17:35-te sóndirilgenin aıtty. Bolǵan oqıǵanyń sebebi men keltirgen zalaly anyqtalyp jatyr.

«Órtti aýyzdyqtaýǵa CQO TJD-niń jeke quramynyń 14 qyzmetkeri men úsh tehnıkasy tartyldy», - dep qosty departamentten.