Pavlodar oblysynda Maıqaıyń aýylynyń negizi qalanǵanyna 90 jyl toldy

MAIQAIYŃ. QazAqparat - Pavlodar oblysynyń ákimi Maıqaıyń turǵyndaryn aýyldyń 90 jyldyǵymen quttyqtady, dep habarlaıdy QazAqparat.

Búgin Baıanaýyl aýdany Maıqaıyń kentiniń 90 jyldyq mereıtoıy saltanatty túrde atalyp ótti. Ábilqaıyr Sqaqov mereıtoıǵa oraı kenttiń qurmetti turǵyndaryn marapattady.

Saltanatty is-sharany Ábilqaıyr Sqaqov ashyp, maıqaıyńdyqtardyń oblys damýyna qosqan úlesin erekshe atap ótti.

«Maıqaıyń kenti bir aýdan ǵana emes, óńirimizdiń damýynda erekshe orny bar eldi meken, - dep atap ótti oblys ákimi. – Bıyl Maıqaıyń kentiniń 90 jyldyǵy atap ótilýde. Alaıda onyń tarıhy HІH ǵasyrda bastalǵanyn bilemiz. Soǵys jyldarynda eldi mekenniń elge eleýli úles qosty. Al beıbit kezde myńdaǵan tonna altyn halqymyzdyń ál-aýqatyn, mańyzdy áleýmettik jobalardy júzege asyrýǵa zor septigin tıgizdi».

Oblystyń damýyna qosqan úlesteri úshin Ábilqaıyr Sqaqov aýyldyń qurmetti azamattaryn marapattady. Olardyń ishinde dál osy kúni 90 jasqa kelgen Muhtar Ábenov te boldy.

Odan basqa maıqaıyńdyqtardyń birqatary óńir basshysynyń Qurmet gramotalary men Alǵys hattaryn ıemdendi.

Merekelik baǵdarlamany Baıanaýyl aýdanynyń óner ujymdary men jergilikti ónerpazdar jalǵastyrdy.

J. Aımaýytov atyndaǵy oblystyq qazaq mýzykaly-drama teatrynyń ártisteri kórermen qaýym nazaryna Maıqaıyń kentiniń irgesi qalanǵan tarıhynan syr shertetin teatrlandyrylǵan kórsetilimin usyndy.

Mereıtoı qurmetine kent mańynda báıge jáne basqa da ulttyq at sportynan jarys uıymdastyryldy.

At jarysynyń júldegerleri baǵaly syılyq ıelendi.