Pavlodar oblysynda mas júrgizýshi er adamdy qaǵyp ketti
PAVLODAR. QazAqparat – Pavlodar oblysynda mas kúıinde kólik aıdaǵan aýyl turǵyny er adamdy qaǵyp ketip, oqıǵa ornynan qashyp ketken, dep habarlaıdy QazAqparat tilshisi.
«15 mamyr kúni Omby-Maıqpshaǵaı kúre jolynyń 10-ynshy shaqyrymynda «VAZ 2108» kóliginiń júrgizýshisi 51 jastaǵy jaıaý júrginshini kólikpen qaǵyp, oqıǵa ornynan qashyp ketken. Zardap shekken er adam alǵan jaraqattary saldarynan sol jerde kóz jumǵan», - dedi Pavlodar oblystyq polıtsııa departamenti bastyǵynyń birinshi orynbasary Jasqaıraat Qaıyrov.
Onyń aıtýynsha, 16 mamyrda polıtsııa qyzmetkerleri kólik apatyn jasaǵan júrgizýshini ustady.
«Ol Pavlodar aýdanyndaǵy aýyldyń 30 jastaǵy turǵyny bolyp shyqty. Medıtsınalyq tekserý júrgizýshiniń ortasha dárejede mas kúıinde bolǵanyn anyqtady», - dep tolyqtyrdy J.Qaıyrov.
