Pavlodar oblysynda mas kúıinde kólik júrgizip kýáliginen aıyrylǵan, ishimdik iship qaıta rýlge otyrǵan 80 júrgizýshi ustaldy
PAVLODAR. QazAqparat - Pavlodar oblysynda mas kúıinde avtomobıl basqarǵany úshin kýáliginen aıyrylǵan, ekinshi ret ishimdik iship rýlge otyrǵan 80-nen astam júrgizýshige qatysty QR QK 345-baby boıynsha sot aldy tergeý bastaldy, dep habarlady ІІD baspasóz qyzmeti.
Ekibastuzda jol-patrýldik polıtsııa qyzmetkerleriniń reıdtik sharalaryn júrgizýi barysynda Pishembaev-Abaı kósheleriniń qıylysynda mas kúıinde kólik basqarǵan 27 jastaǵy qala turǵyny ustaldy, ol budan buryn júrgizýshilik kýáliginen aıyrylǵan bolyp shyqty.
Qazirgi ýaqytta oǵan qatysty sot aldy tergeý júrgizilýde. Bap sanktsııasy bes júz AEK aıyppuldy ne úsh saǵatqa deıin túzeý jumystaryna nemese qoǵamdyq jumystarǵa tartýdy ne toqsan táýlik merzimge tutqyndaýdy kózdeıdi.
Jyl basynan bastap Pavlodar oblysynyń joldarynda Jol qozǵalysy qaǵıdalaryn buzǵan 59 myńnan astam buzýshylyqtyń joly kesildi. Onyń ishinde mas kúıinde kólik basqarǵan eki myńnan astam júrgizýshi kólik basqarý kýáliginen aıyrylǵan.
