Pavlodar oblysynda mas bolyp kólik júrgizgen 36 adam ustaldy
PAVLODAR. QazAqparat - Pavlodar oblysynda «Qaýipsiz jol» jedel aldyn alý sharasy barysynda 3 myńǵa jýyq jol qozǵalysy erejesin buzý faktisi anyqtaldy, dep habarlaıdy QazAqparat.
Máselen, Aqtoǵaı aýdanynyń Prırechınsk aýylynda «Reıser 110» markaly mototsıkldi mas kúıinde basqarǵan 30 jastaǵy aýyl turǵyny ustaldy.
Al Sharbaqty aýdanynyń Shaldaı aýylynda «Honda CRV»markaly avtokólik toqtatyldy. Medıtsınalyq aktige sáıkes júrgizýshi mas bolǵan.
Mas júrgizýshilerge qatysty QR ÁQBtK 608-baby 8-bóligi boıynsha ákimshilik is qozǵaldy, materıaldar is júrgizý sheshimin qabyldaý úshin sotqa joldandy.
- Eń kóp quqyq buzýshylyqty qaýipsizdik beldigin paıdalanbaǵan júrgizýshiler jasady - 466 júrgizýshi, joldy belgilenbegen jerde kesip ótken nemese baǵdarshamnyń qyzyl sıgnalyn elemegen 377 jaıaý júrginshi jazalandy. Kólik quralyn basqarý kezinde telefonmen sóıleskeni úshin 277 adam tartyldy, 190-y jyldamdyq rejıminen asyp ketti, al 8 júrgizýshi kólik basqarý quqyǵynan aıyrylǵan bola tura kólik quralyn júrgizgen. Sonymen qatar, 36 júrgizýshi mas kúıinde kólik quralyn basqarǵan. Túrli zańbuzýshylyqtar úshin aıyp turaǵyna 174 avtokólik ornalastyryldy, - dep habarlady Pavlodar oblysy polıtsııa departamentiniń baspasóz qyzmeti.
Esterińizge sala keteıik, «Qaýipsiz jol» jedel aldyn-alý sharasy aǵymdaǵy jyldyń 17 qarashasyna deıin jalǵasady.
Polıtsııa jol qozǵalysyna qatysýshylardy eskertedi: aýa raıy nashar kezde jolda júrgende qyraǵylyqty arttyrý qajet.
Jańbyr, tuman, qar kezinde kóriný birneshe ese tómendeıdi. Aýyp ketý qaýpi, toqtaýǵa arnalǵan araqashyqtyqtyń uzarýy júrgizýshi úshin qıyndyq týǵyzýy múmkin.
