Pavlodar oblysynda Maraldy kýrortyn ázirleýge alǵashqy qadam jasaldy - óńir basshysy
PAVLODAR. QazAqparat - Maraldy kólinde uńǵyma burǵylanyp, bul jerge demalýǵa kelýshiler tuşy sýmen qamtamasyz etilip otyr. Bul týraly oblys ákiminiń baspasóz qyzmeti habarlady.
Pavlodar oblysy ákiminiń aıtýynsha, bul aımaǵymyzda reseılik ıArovoe syndy shıpajaıdyń paıda bolýy jolynda jasalǵan alǵashqy qadam.
Bolat Baqaýov ústimizdegi jyldyń mamyr aıynda Sharbaqty aýdany ákiminiń aýyldyq eldi mekenderdi damytý bolashaǵy jáne problemalary jóninde bergen esebi kezinde Maraldy ózeniniń mańynda demalys aımaǵyn qurý máselesin pysyqtaýdy tapsyrǵan bolatyn. Sodan beri bıýdjetten tys qarajatqa tuzdy kólge aparatyn jol salyndy, al jaǵalaýǵa jaqyn jerden uńǵyma burǵylandy.
- Maraldy ózenine kelip demalýshylardy tuşy sýmen qamtamasyz etip otyrǵan uńǵymanyń tereńdigi 100 metrdi quraıdy, - deıdi «Pavlodargıdrogeologııa» JShS dırektory ıÝrıı Popov. - Bul uńǵymadan táýligine 250 kýb metr sý alýǵa bolady. Bolashaqta bul jerge qazirgiden de kóp adam keletin bolsa da, sý qory jetkilikti.
Jergilikti turǵyndar kól jaǵasynda jasalǵan jaılylyqqa dán rıza. Erbolat Dáýenovtyń aıtýynsha, endi tuzdy kólge jetý ońaıyraq jáne ózińmen tuşy sý alyp barý qajettiligi joq. Sharbaqty aýdanyna jumys saparymen barǵan aımaq basshysy demalys aımaǵyn qurý jumystarynyń barysymen tanysty. Bolat Baqaýov Maraldy kólinde demalýǵa arnalǵan qarapaıym jaǵdaı jasalǵanyn, endigi kezekte ınfraqurylymdy jolǵa qoıý qalǵanyna atap ótti.
- Demalys aımaǵyn damytýdyń endigi jylǵa arnalǵan egjeı-tegjeıli jospary ázirlenip qoıdy, - dedi oblys ákimi. - Bıylǵy jyly mamandar elektr berý jelileriniń qurylysy jobasymen aınalysatyn bolady. Al kelesi jyly bul jerge qajetti ınfraqurylym quryp, óz bıznesin damytatyn adamdardy tańdaıtyn bolamyz. Jaqyn arada Pavlodardyń ortalyq kóshelerinde ıArovoeda emes, ózimizdiń Maraldyda demalýǵa shaqyratyn jarnamalar ilýli turady jáne pavlodarlyqtar bul jerge demalýǵa keledi dep oılaımyn.
Sharbaqty aýdanynyń ákimi bergen aqpar boıynsha, «Sharbaqty aýdanynyń turǵyn úı - kommýnaldyq sharýashylyq, jolaýshylar kóligi jáne avtomobıl joldary bólimi» MM «Innovation Centre Project» JShS-men Maraldy - Jyly Bulaq avtomobıl jolyn 4,5 mln teńge somasyna kúrdeli jóndeý jumystaryna JSQ ázirleýge kelisimshart jasasty. Sonymen qatar, Uzyndyǵy 3 kılometrdi quraıtyn 10 kV joǵary volttik jeli salýǵa 8,4 mln- ge jýyq qarajat qajet.
