Pavlodar oblysynda makýlatýra tıegen júk kóligi janyp ketti

PAVLODAR. QazAqparat - Pavlodar oblysynda makýlatýra tıegen júk kóligi órtendi. Zardap shekkender joq, dep habarlaıdy QazAqparat Pavlodarnews.kz-ke silteme jasap.

Oblystyq tótenshe jaǵdaılar departamentiniń baspasóz qyzmetiniń málimdeýinshe, oqys oqıǵa Pavlodar aýdany mańynda bolǵan.

«Osy jaǵdaı týraly saǵat 20:12-de habarlama kelip tústi. Onda Pavlodar aýdanynyń mańynda Jertumsyq aýylynan 28 shaqyrym jerde júk kóliginiń janyp ketkeni aıtyldy. Kólikke qaǵaz qaldyqtary tıelgeni belgili boldy», - delingen habarlamada.

Qurbandar men qaza tapqandar joq. Júrgizýshige medıtsınalyq kómekti qajet bolmady.

Oqıǵa ornyna TJ departamentinen 4 qyzmetker men bir tehnıka jumyldyryldy.

Órttiń shyǵý sebebi men shyǵyny anyqtalýda.