Pavlodar oblysynda qysqy solıarka óndirile bastaıdy
«Bir aptadan keıin «Alef-trade» kompanııasy qysqy solıarka óndirisi boıynsha keshendi iske qosatyn bolady», - dep málim etti Pavlodar oblysynyń ákimdiginde ótken alqa otyrysynda oblystyq Indýstrıaldy-ınnovatsııalyq damý basqarmasynyń basshysy Nurbolat Seıitmaǵambetov.
Onyń atap ótýinshe, óńirde Indýstrııalandyrý kartasy boıynsha 2017 jylǵa josparlanǵan segiz jobanyń altaýy iske qosyldy.
«Jeltoqsan aıynyń sońyna deıin taǵy eki jobany josparlap otyrmyz - bul «DANıER» jáne «Alef- trade» kompanııalar», - dedi N.Seıitmaǵambetov.
«Alef- trade» kompanııasynyń ókili óńir basshysy Bolat Baqaýovtyń: «Bıylǵy jyly qysqy otynnyń alǵashqy partııasyn kóre alamyz ba?», - degen suraǵyna, barlyǵy iske qosý jáne retke keltirý rejimine baılanysty ekendigin jetkizdi. «Ol eki aptadan bir jarym aıǵa deıin jalǵasady». Onyń sózinshe, 15 qańtarǵa qaraı Pavlodar oblysy ózderinen shyqqan qysqy solıarkany tutynýy áste múmkin.
