Pavlodar oblysynda Qyrǵyzstan jáne Tájikstan azamattary mingen avtobýs buzylyp qaldy
PAVLODAR. QazAqparat - Kórshi elderdiń azamattary mingen avtobýs Novosibirden Shymkentke bara jatqanda Pavlodar oblysynyń aýmaǵynda buzyldy, dep habarlaıdy «QazAqparat» HAA tilshisi.
«Tańerteńgi ondar shamasynda Pavlodar oblysy tótenshe jaǵdaılar departamentine Aqsý qalasy aýmaǵynda, Qalqaman aýylynyń mańynda Novosibir-Shymkent reısiniń eki avtobýsynyń biri buzylǵany týraly habar keldi», - deıdi Pavlodar oblystyq tótenshe jaǵdaılar departamentindegiler.
Eki avtobýstyń salonynda 81 jolaýshy: Qyrǵyzstan jáne Tájikstan azamattary bolǵan. Jolaýshylar ekinshi avtobýsqa minip, ekeýi de jergilikti polıtsııa qyzmeti mashınasynyń baqylaýymen saǵat on birge qaraı Pavlodarǵa jetip alǵan.
«Pavlodardaǵy №1 avtobýs parkinde jolaýshylarǵa kómek kórsetildi. Buzylǵan avtobýstyń aqaýy rettelip, eki avtobýs ta 16:00-de Shymkentke qaraı jol tartty», - deıdi TJD qyzmetkerleri.
