Pavlodar oblysynda KVI anyqtalǵan 12 adamnyń 10-y — Ekibastuz qalasynan
NUR-SULTAN. QazAqparat – Memlekettik komıssııanyń shuǵyl shtaby Pavlodar oblysynda koronavırýs ınfektsııasyn juqtyrǵan 12 adam týraly málimetterdi jarııalady, dep habarlaıdy QazAqparat.
COVID-19 Ekibastuz qalasynyń 10 turǵynynan tabyldy, onyń ishinde 1998 jylǵy qyz jáne 1969, 1970, 1972, 1973, 1980, 1983, 1991, 1996 jyldary týylǵan segiz er adam men kámelet jasyna tolmaǵan 2008 jylǵy qyz bala bar.
Sondaı-aq, koronavırýs ınfektsııasyn Pavlodar qalasynyń eki turǵyny juqtyrǵan, olar — 1980 jylǵy er adam, 1966 jyly týylǵan áıel adam.
12 adamnyń ishinde 11-i koronovırýs ınfektsııasyn juqtyrǵan adammen yqtımal qarym-qatynasta bolsa, bireýi jaqyn qarym-qatynasta bolǵan.
Barlyq jaǵdaı boıynsha baılanysta bolýy múmkin adamdar toby anyqtalyp jatyr, olardy oqshaýlaý jumysy júrgizilip jatyr. Epıdemııaǵa qarsy sharalar qolǵa alynǵan.
25 sáýir, saǵat 10:15-tegi jaǵdaı boıynsha Pavlodar oblysynda koronavırýs ınfektsııasyn juqtyrǵan 88 adam tirkelgen.
