Pavlodar oblysynda qutqarylǵan birqazan erkindikke jiberildi
ASTANA. QazAqparat - Pavlodar oblysyndaǵy Ertis aýdanynda mektep dırektory qutqaryp qalǵan birqazan erkindikke jiberildi. Qanattyny qarap shyqqan veterınar mamandary osyndaı sheshim qabyldady, dep habarlaıdy pavlodarnews.kz.
«Birqazannyń qanaty synbaǵan. Tek qana soqqydan shoshynyp qalǵan. Sondyqtan erkindikke jibergendi jón sanadyq. Tabıǵat paıdalanýshylary 49 jylǵa jalǵa ashǵan Shýche ózenine aparyp tastadyq. Ol jerdegi aımaq qorshalǵan ári únemi kúzetiledi. Sondyqtan qaýip tóne qoımas. Ol jerde qus qazan aıyna deıin mekendep, bálkim keıin jyly jaqqa ushyp keter», - deıdi Pavlodar orman jáne janýarlar álemin qorǵaý memlekettik mekemesiniń dırektory Ajdar Júsipov.
Eske sala keteıik, ótken jyly «KAZ Minerals Bozshakol» qyzmetkerleri ózderiniń kásiporyndarynyń janynan sur birqazandy taýyp alyp, orman jáne janýarlar álemin qorǵaý mekemesine tapsyrǵan. Qanatty Aqsý qalasynyń jas natýralıster stansasynda qystaǵannan keıin kóktemde erkindikke jiberilgen. Sonymen qatar, Jelezın aýdanynyń turǵyny eki birqazandy aıazdan óz garajynda qutqaryp qaldy. Al natýralıster stansasynda mekendegen eki qus jalǵyz ózi kabınettiń jartysyn alǵandyqtan, olardy Semeıdegi bıoortalyqqa jiberýge týra kelgen.
