Pavlodar oblysynda qutqarýshylar sý tasqynynyń ekinshi kezeńi týraly eskertti
PAVLODAR. QazAqparat - Pavlodar oblystyq TJD Joǵary Ertis kaskady sý qoımasynan sý jiberilgende bastalatyn sý tasqynynyń ekinshi kezeńin kútip otyr, sondyqtan saqtyq sharalaryn saqtaýǵa shaqyrýda, dep habarlaıdy QazAqparat tilshisi.
«Aldaǵy kúnderi sý tartylmaıdy, maldardy Ertis ózenindegi jaıylymǵa jibermeý kerek, balalardy eresektersiz sý jınalatyn jerlerge jibermeý kerek», - dep habarady Pavlodar oblystyq tótenshe jaǵdaılar departamentinen.
Qutqarýshylardyń derekteri boıynsha, Pavlodar oblysynda sý tasqynynyń ekinshi kezeńi Shyǵys Qazaqstan oblysyndaǵy Joǵary Ertis kaskady sý qoımasynan sý jiberilgende bastalady. Sýdyń jiberilý kestesi barlyq eldi mekenderge taratylady.
Óńirlik TJD aqparaty boıynsha, Pavlodarda Ertis mańyndaǵy sý tasqyny ahýaly sáýirdiń alǵashqy onkúndiginde turaqty bolǵan, eldi mekenderdi sý basý qaýpi joq.
«Aýa raıy kúrt jylynbaıdy, temperatýra kúndiz azdap kóteriledi. Bul aýa raıy qar jamylǵysynyń birqalypty erýine qolaıly. Oblysta qar jamylǵysynyń bıiktigi ortasha bir-eki santımetrdi quraıdy», - dep atap ótti Tótenshe jaǵdaılardy eskertý bóliminiń mamany Merýert Shaqabaeva.
