Pavlodar oblysynda qutqarýshylar balalardy mektepke arnaıy tehnıkamen tasyp júr
PAVLODAR. QazAqparat - Baıanaýyl aýdanynyń Kókdombaq aýylynda qutqarýshylar jasaǵynyń qyzmetkerleri arnaıy tehnıkamen balalardy mektepke tasýda, dep habarlaıdy «QazAqparat» HAA tilshisi.
Pavlodar oblysy Baıanaýyl aýdany Jańajol aýylynda qutqarýshylar energııa únemdeýshi kásiporyndardyń qyzmetkerlerin buzylǵan elektr berý joldaryn qalpyna keltirý úshin jetkizip, nátıjesinde 200 metr EBJ jóndeldi, dep habarlaıdy Pavlodar oblystyq tótenshe jaǵdaılar departamentiniń baspasóz qyzmeti.
Kókdombaq aýylynda qutqarýshylar jasaǵynyń qyzmetkerleri «TREKOL» jol talǵamaıtyn arnaıy tehnıkasymen oqýshylardy oqý ǵımaratyna alyp baryp, qaıta alyp qaıtýda. Sonyń arqasynda oqý protsessi toqtap qalmady.
Baıanaýyl aýdany geografııalyq ornalasýy men jeriniń relefti bolýyna baılanysty Pavlodar oblysyndaǵy tótenshe jaǵdaılar jıi oryn alatyn aýmaqqa jatady. Jazda, órt qaýpi kezeńinde qutqarýshylar ulttyq tabıǵı parktiń órt qaýipsizdigine basa nazar aýdarsa, kóktemde sý tasqynyna erekshe kóńil bóledi.
