Pavlodar oblysynda qurylysshylar men taýar óndirýshilerdiń qaýymdastyǵy qurylady
PAVLODAR. QazAqparat - Pavlodar oblysynda qurylysshylar men taýar óndirýshilerdiń qaýymdastyǵy paıda bolady. Birlestik otandyq taýar óndirýshilerdi qoldaýmen aınalysatyn bolady, dep habarlaıdy pavlodarnews.kz.
Pavlodar oblystyq kásipkerler palatasynda otandyq taýar óndirýshilerdi qoldaý jónindegi komıssııanyń birinshi otyrysy ótti. Kezdesýge óńir basshysy Bolat Baqaýov qatysty. Onda memlekettik satyp alýǵa qazaqstandyq, ásirese pavlodarlyq óndirýshilerdiń atsalysý máselesi talqylandy. Otyrysqa iri qurylys kompanııalary men qurylys materıaldaryn jáne túrli qural-jabdyqtardy óndirýshi kompanııalardyń jetekshileri jınaldy.
Jıyn barysynda qurylysshylardyń óz ónimderiniń baǵasyn sharyqtatyp jiberetin jáne qajetti materıaldy ýaqytynda jetkizip bere almaıtyn otandyq óndirýshilerge kóńili tolmaıdy.
Oǵan qosa, suranysqa ıe ónerkásiptik óndiriske qajetti zattar Pavlodar óńirinde, tipti elimizdiń ózinde óndirilmeıdi.
Qurylys kompanııa ókilderiniń aıtýynsha, turǵyzǵan úılerge esikter Reseıden satyp alynady. Al, kirpish óndirýge kerekti metall buıymdardy Qytaıdan alǵyzady.
«Biz ózimizge qajetti dúnıelerdi Qazaqstannan taba almaı otyrmyz. Al olardy satyp alý úshin jyl saıyn mıllıondap qarjy bólemiz. Osy qarjynyń bári Qytaıǵa ketedi. Bizdiń elde qaldyrýǵa da bolatyn edi»,-deıdi «Vershına» JShS ókili Álibek Qýanyshev.
Osy oraıda oblys ákimi qurylysshylar men taýar óndirýshilerdiń qaýymdastyǵyn ashýdy usyndy.
Ákimniń aıtýynsha, bul birlestik taýar óndirýshi men jetkizýshiniń qatynasyn retke keltiredi.
«Biz Túmen oblysynda bolyp, qurylysshylar qaýymdastyǵynyń ókilderimen kezdestik», - dedi Bolat Baqaýov.
Sonymen qatar, óńir basshysy Pavlodar oblysynda óndiriletin ónimderdiń katalogyn shyǵarý qajettigin aıtty.
