Pavlodar oblysynda qurylys salasyndaǵy ortasha jalaqy - 165 myń teńge
PAVLODAR. QazAqparat - 2018 jyly oblysta qurylys qyzmetimen barlyq menshik nysanyndaǵy 419 merdigerlik uıym aınalysqan, dep habarlaıdy QazAqparat pavlodarnews.kz silteme jasap.
- Oǵan jaldamaly qyzmetkerlerdiń jalpy sanynan 13,8 myń adam jumyldyrylǵan, - deıdi óńirlik statıstıka departamentinde. - Bul oblystyń jaldamaly qyzmetkerlerdiń jalpy sanynan 5,5%-yn quraıdy. Byltyr olar 2017 jylmen salystyrǵanda 3%-ǵa artyq, 198 mlrd teńgege jumystar (qyzmetter) oryndaǵan.
Qurylys salasyndaǵy qyzmetkerlerdiń ortasha aılyq jalaqysy 165533 teńgeni qurady. Bul oblystyń ortasha aılyq jalaqysynan 16,6% artyq. Oblys kólemindegi merdigerlik jumystardyń negizgi úlesi (92,4%) jeke menshik nysanyndaǵy kásiporyndarǵa tıesili. Merdigerlik jumystar qurylymynda 80,2%-dy qurylys-montajdaý jumystary, 19,8%-yn kúrdeli jáne aǵymdaǵy jóndeý qurady.
Qurylys jumystarynyń jalpy kólemindegi úlken úles salmaǵyn kelesi jumystardyń túrleri aldy: joldar men avtomagıstraldar qurylysy (36,3%), 1, 2-sanattaǵy statsıonarlyq saýda obektilerin qospaǵanda turǵyn emes ǵımarattardyń qurylysy (12,7%), sýmen jabdyqtaý jáne káriz júıelerine arnalǵan qubyrlardyń qurylysy (11,6%).
Oblys kóleminde oryndalǵan jumystar boıynsha eń joǵary kórsetkish - 33,2% Pavlodar qalasyna tıesili.
