Pavlodar oblysynda qudyq qazǵan eki adamdy topyraq basyp qaldy
PAVLODAR. QazAqparat - Pavlodar aýdanyndaǵy Mıchýrın aýylynda qudyq qazyp jatyp opyrylǵan topyraq astynda qalǵan bir adam mert bolyp. ekinshi aýyr halde aýrýhanaǵa jetkizildi, dep habarlaıdy pavlodarnews.kz.
Pavlodar oblystyq eńbek basqarmasynyń málimetinshe, 28 jastaǵy er adam opyrylǵan topyraq basyp qalyp jan tapsyrǵan. Ony qutqarýǵa umtylǵan 37 jastaǵy áriptesi de zardap shekken.
«1990 jylǵy azamat jumys bastalmas buryn shuńqyrǵa sekirgen. Sol kezde onyń ústine topyraqtyń úıindisi qulaǵan. Al 1981 jylǵy er adam ony qutqaramyn dep júrip topyraqtyń astynda qaldy. Qazirgi ýaqytta Pavlodar aýdany Mıchýrın aýylynda bolǵan oqıǵanyń jaı-japsary anyqtalyp jatyr. Oqıǵa ornynda qansha adam bolǵany jáne olardyń qandaı bir ónerkásippen eńbek sharttary bar ma, álde joq pa ázirge belgisiz», - dedi memlekettik eńbek ınspektory Abylaı Sabyrov.
Oblystyq densaýlyq saqtaý basqarmasy baspasóz qyzmetiniń habarlaýynsha, dárigerler aman qalǵan 37 jastaǵy er adamnyń jaǵdaıyn aýyr dep baǵalaýda.
