Pavlodar oblysynda kýáliginen aıyrylǵan júrgizýshi kóligimen aýdarylyp qaldy
PAVLODAR. KAZINFORM – Kólik jyldamdyǵyn asyrǵan júrgizýshi baǵanaǵa soǵylyp, kóligimen aýdarylyp qaldy, dep habarlaıdy QazAqparat tilshisi.
«Polıtsııaǵa Ýspen kópiri jaǵynda jol-kólik apaty bolǵany týraly habarlama kelip tústi. Oqıǵa ornyna kelip jetken polıtsııa qyzmetkerleri Volkswagen Passat kóligin minip alǵan júrgizýshi Pavlodar qalasynda Pavlodar-Ýspenka kúre jolyna qaraı kele jatyp, jyldamdyqty asyryp, jaryq baǵanasyna soǵylǵanyn aınyqtady. Qozǵalysty ary qaraı jalǵastyrmaq bolyp, ol kóligimen aýdarylyp qalǵan. «Kóliktiń ishinde Pavlodar qalasynyń 1964 jáne 1986 jylǵy turǵyndary otyrǵan. Olar jol-kólik apaty kezinde kólikti júrgizbegenin aıtty. Ekeýi de jaraqat aldy», - dep habarlady polıtsııadan.
Bul rette olardyń biri, kóliktiń ıesi bolyp shyqqan pavlodarlyq 56 jastaǵy er adamnyń kólik júrgizý quqyǵynan buryn aıyrylǵany belgili boldy. Tergeý barysynda jol-kólik apaty kezinde kólikti ózi júrgizgeni anyqtalǵan. Er adam Pavlodar qalasynyń ýaqytsha oqshaýlaǵyshyna qamaldy. Atalǵan faktimen QR QK 346-babynyń 1-bólimimen sot aldyndaǵy tergeý amaldary júrgizilýde.
