Pavlodar oblysynda kremnıı zaýyty salynady
ASTANA. QazAqparat - Ekibastuzda bolashaq kremnıı zaýytynyń alǵashqy qazyǵy mamyr aıynda qaǵylady, dep habarlaıdy pavlodarnews.kz.
Aldyn ala jobaǵa jylyna qýattylyǵy 35 myń tonnaǵa deıin jetetin tehnıkalyq kremnııge ótinim berilgen. Alaıda Pavlodar oblysynda «ANSA Silicon» JShS usynǵan shartty eskeretin bolsaq, jobanyń qýattylyǵyn jylyna 135 myń tonnaǵa deıin jetkizý týraly sheshim qabyldanǵan.
«Bizge Ekibastuz MAES-1 aýmaǵynan 70 gektar jer bólip bergen, - dedi «ANSA Silicon» JShS-niń ókili Bolat Toqtasynov. - Sonymen qatar, stantsııany syrtynan elektrmen jabdyqtaý tehnıkalyq sharttaryn aldyq. Endigide «KEGOC» AQ jelisinen tys, elektr energııasyn tikeleı qabyldaıtyn bolamyz. Budan basqa, bólingen ýchaske shıkizat kózine jaqyn ornalasqan. Kvartsıt Qaraǵandy oblysynan, munaı koksy Pavlodardan, aǵash Reseıden jetkiziledi. Osynyń barlyǵy sońǵy ónim baǵasynyń básekege qabiletti bolýyna múmkindik beredi degen úmittemiz».
Jobaǵa quıylatyn ınvestıtsııa kólemi 38 mlrd teńgeden asady. 2019 jyly kásiporynnyń úshinshi kezeńi engizilgennen keıin zaýytta 600 myń jańa jumys orny ashylmaq. Bolat Baqaýovpen kezdesý barysynda seriktestik ókilderi jobanyń keńeıtilýine baılanysty qosymsha jer telimin berýdi ótindi. Budan basqa, ınvestorlar óndiriste Pavlodar oblysy ken ornynda kremnıı kvartsıtin qoldaný týraly usynys bildirdi. Bul rette, óńir basshysy qosymsha jer ýchaskesin berýdi tezdetip, bir aıdyń ishinde kásipkerler Ertis óńirinde óz óndirisi úshin qandaı tabıǵı resrýstar ala alatyndyǵyn anyqtaýdy tapsyrdy.
