Pavlodar oblysynda kóterme saýdagerler qaraqumyq baǵasyn kóterdi
2020-2021 jyldar kezeńinde jáne 2022 jylǵy qańtar-aqpanda qaraqumyq jarmasyna kóterme saýdada satýshylardyń baǵalardy ósirýi áleýmettik mańyzy bar azyq-túlik taýarlaryna monıtorıng júrgizý kezinde anyqtalǵan. Básekelestik zańnamany buzý belgileri boıynsha «Grano-PV» JShS jáne «Tsarskaıa kasha KZ» JShS-ne habarlama jiberildi.
- «Grano-PV» JShS jáne «Tsarskaıa kasha KZ» óndiristiń óndiristiń tolyq ózindik qunynyń dınamıkasy men bosatý quny saraptamasynyń qorytyndysy boıynsha qaraqumyq jarmasynyń ózindik qunynyń bosatý baǵasynyń ósý qarqynynyń asyp túskeni baıqalady. Pavlodar oblysynyń kóterme saýda jetkizýshileri tarapynan qaraqumyq jarmasyna baǵalardyń bir mezgilde jáne proportsıonaldy emes ósýinen kórinetin kóterme satýshylardyń qolda bar málimetterin aldyn ala zerdeleý baǵalardy belgileý jáne (nemese) qoldaý bóliginde básekelestikke qarsy kelisilgen is-áreketter belgileriniń bolýyn kórsetedi, - dep atap ótti básekelestikti qorǵaý jáne damytý agenttiginiń departamentinde.
Kásipkerlik kodeksiniń 199-baby negizinde óńirlik monopolııaǵa qarsy departament «Grano-PV» JShS jáne «Tsarskaıa kasha KZ» mekenjaıyna básekelestik zańnamany buzý belgileriniń bolýy týraly habarlama jiberdi. Sondaı-aq, kásiporyndar qaraqumyq baǵasyn tómendetýi kerek.
Habarlamany oryndaý merzimi – ony alǵan kúnnen bastap 30 kúntizbelik kún. Bul tapsyrmany oryndamaǵan jaǵdaıda kásiporynǵa qatysty tergeý júrgiziledi.