Pavlodar oblysynda koronavırýspen kúreske qosymsha 540 medıtsına qyzmetkeri tartylady

Bul týraly oblystyq keńestiń otyrysynda óńirlik densaýlyq saqtaý basqarmasynyń basshysy Aıdar Seıtqazınov málim etti.
- Qazirgi tańda 1400-den astam medıtsına qyzmetkeri jumys istep jatyr. Onyń 300-i dárigerler personalynan, 590-nan astamy - orta, 460-sy - kishi medıtsına qyzmetkeri. Jaǵdaı aýyrlap, kúnine 500 naýqas túsetin bolsa, qosymsha 4900 oryn daıyndalady. Bur rette kardıologııalyq ortalyq, onkologııalyq ortalyqtaǵy oryndardy sol qalpynda qaldyrǵymyz keledi. Qosymsha № 1 qalalyq aýrýhana qalady. Ol jerde aýrý qarqynyna qaramastan, qala men oblys turǵyndaryna jedel medıtsınalyq kómek kórsetiledi, - deıdi Aıdar Seıtqazınov.

Basqarma basshysynyń aıtýynsha, kishi medıtsına qyzmetkerler rezervinde eriktiler de bar. Sondaı-aq bıyl 129 jańa jas maman - orta medıtsına qyzmetkeri men 130-dan astam bakalavrıat-dáriger kelgen. Onyń 107-si oblys ákiminiń granty boıynsha oqýǵa rezıdentýraǵa ketken. Olardyń ishinde anestezıolog, juqpaly aýrýlar dárigeri sııaqty óńirge qajet mamandar bar. Bul aq jeleńdiler oqýdy aıaqtaǵannan keıin eki jyldan soń qaıtyp oralady.