Pavlodar oblysynda koronavırýs anyqtalǵan 4 adamnyń úsheýi naýqastarmen qarym-qatynasta bolǵan
NUR-SULTAN. QazAqparat - COVID-19 vırýsyn Pavlodar qalasynyń 2 turǵynynyń juqtyrǵany anyqtaldy, olardyń biri 1970 jyly týǵan áıel adam jáne kámelet jasyna tolmaǵan 2009 jylǵy qyz bala. Al qalǵan ekeýi Ekibastuz qalasynyń turǵyndary, olar 1972 jylǵy áıel jáne kámelet jasyna tolmaǵan 2010 jylǵy ul bala, dep habarlaıdy Memlekettik komıssııanyń shuǵyl shtaby.
3 naýqas ózderine deıin koronavırýs ınfektsııasyn juqtyrǵan adamdarmen qarym-qatynasta bolǵan.
1972 jylǵy áıel adam pnevmonııa dıagnozymen provızorlyq bólimshege jatqyzylǵan, COVID-19-dyń aǵzada bar-joǵyn anyqtaýǵa alynǵan taldaý (20.04.2020 j.) vırýstyń juqtyrylǵanyn kórsetti.
Barlyǵynyń qarym-qatynas jasaǵan ortasy anyqtalyp jatyr, olardy oqshaýlaý jumystary júrgizilýde. Epıdemııaǵa qarsy is-sharalar qolǵa alynǵan.
20 sáýirdegi jaǵdaı boıynsha Pavlodar oblysynda koronavırýs ınfektsııasyn juqtyrǵan 30 adam tirkeldi.
