Pavlodar oblysynda koronavırýs anyqtalǵan 4 adamnyń ekeýi — kámeletke tolmaǵan qyz bala
NUR-SULTAN. QazAqparat - Pavlodar oblysynda koronavırýs ınfektsııasyn tórt adam juqtyrǵan, dep habarlaıdy Memlekettik komıssııanyń shuǵyl shtaby.
COVID-19 Ekibastuz qalasynyń 3 turǵynynan tabyldy, olar: 1984 jylǵy áıel adam, sondaı-aq 2003 jyly týǵan jáne 2012 jylǵy kámelet jasyna tolmaǵan qyz balalar.
Sonymen qatar, 1966 jylǵy Pavlodar qalasynyń turǵynynda COVID-19 koronavırýs ınfektsııasy anyqtaldy.
Ekibastuz qalasynyń úsh turǵyny buǵan deıin COVID-19 vırýsy anyqtalǵan adamdarmen qarym-qatynasta bolǵan.
2020 jylǵy 23 sáýirde 1966 jylǵy Pavlodar qalasynyń turǵyny jedel járdemge habarlasyp, dene qyzýynyń joǵary ekendigin, ózin álsiz sezinip turǵanyn aıtty. COVID-19-ǵa taldaý synama alynǵan, 2020 jylǵy 24 sáýirde koronavırýs ınfektsııasyn juqtyrǵany belgili boldy.
Naýqastarmen qarym-qatynasta bolǵan adamdardy anyqtap, oqshaýlaý jumystary júrgizilýde. Epıdemıologııaǵy qarsy is-sharalar qolǵa alynǵan.
Búgingi saǵat 09:30-daǵy jaǵdaı boıynsha Pavlodar oblysynda koronavırýs ınfektsııasymen aýyrǵan 62 adam tirkeldi.
