Pavlodar oblysynda kondıterlik ónimder tasıtyn júk kóligi aýdarylyp qaldy
PAVLODAR. QazAqparat – Jol-kólik oqıǵasy kóktaıǵaq saldarynan bolǵan, dep habarlaıdy QazAqparat tilshisi.
«6 jeltoqsanda 05:00-de Ýspensk aýdanynyń aýmaǵynda, Lozovoe eldi mekenine jaqyn mańda respýblıkalyq mańyzy bar Pavlodar - Ýspenka – RF shekarasy tasjolynyń 127 shaqyrymynda kóktaıǵaq saldarynan júk kóligi jyraǵa túsip, bir búıirimen aýdarylyp qaldy. RF memlekettik nómiri bar MAN markaly júk kóligi «Novosıbırsk – Pavlodar» baǵytymen ketip bara jatqan. Ol kondıterlik ónimderdi jetkizýi tıis bolǵan.
Eki júrgizýshi – Qazaqstan azamattary Lozovoe aýylyndaǵy jylytý beketine evakýatsııalandy. Olar medıtsınalyq kómekke muqtaj emes», - dep habarlady Pavlodar oblystyq TJD Krızıstik jaǵdaılar basqarmasynyń bastyǵy Asqarbek Omarov.
«Oqıǵa ornyna Ýspensk aýdandyq TJB pen ákimdik ókili bardy»,- dedi ol.
TJ qyzmetkerleri Pavlodar oblysynyń turǵyndarynan aýa raıyna baılanysty eskertý jarııalanǵannan keıin jolǵa shyqpaýlaryn ótinip suraıdy.
«Pavlodar oblysynda 5 jeltoqsan saǵat 23.30-dan bastap aýa raıynyń qolaısyzdyǵyna baılanysty (kóktaıǵaq) Pavlodar-Sharbaqty respýblıkalyq mańyzy bar tasjoldyń 7-112 shaqyrym ýchaskesinde Pavlodardan Reseı Federatsııasynyń shekarasyna deıin barlyq avtokólik túrleri úshin qozǵalysqa shekteý qoıyldy. 6 jeltoqsanda, 09.00-de jol ashyldy», - dep atap ótti A. Omarov.
Avtor:
Anton Gagarın
