Pavlodar oblysynda kommýnaldyq qyzmetterge tarıfter tómendeıdi
ASTANA. QazAqparat - 2019 jyldyń qańtarynan Pavlodar oblysynda tarıfter tómendeıdi. Bul týraly Ortalyq kommýnıkatsııalar qyzmetindegi baspasóz máslıhatynda Pavlodar oblysynyń ákimi Bolat Baqaýov málim etti.
«2019 jyldyń 1 qańtarynan bastap oblys ortalyǵynda jylýmen qamtamasyz etý tarıfi ortasha eseppen alǵanda 7 paıyzǵa tómendeıdi. Al elektr energııasymen qamtamasyz etý tarıfi 3,1 paıyzǵa tómen bolady», - dedi oblys ákimi.
Onyń sózine qaraǵanda, sýmen qamtamasyz etý baǵytynda da tarıf quny 9,4 paıyzǵa azaıtylmaq.
«Atap aıtqanda, elimiz boıynsha salystyrǵanda sýmen qamtamasyz etý tarıfteriniń quny eń tómen óńirlerdiń birimiz. Osyndaı jumystar Ekibastuz jáne Aqsý qalalarynda da júrgizildi. Bul jerlerde tarıftiń tómendeýi 1-den 8,5 paıyzǵa deıin jetedi», - dedi Bolat Baqaýov.
Esterińizge sala kekteıik, jaqynda Aqordada Qaýipsizdik keńesiniń otyrysynda Memleket basshysy Nursultan Nazarbaev kommýnaldyq qyzmetterge tarıfterdi zańsyz ósirgen tabıǵı monopolııalar sýbektilerin jazalaýdy talap etti.
Sonymen qatar Prezıdent Qazaqstanda elektr energııasy qunyn tómendetýdi tapsyrdy.
