Pavlodar oblysynda kómir arzandady
ASTANA. QazAqparat - Pavlodar oblysynda qatty otynnyń quny baqylaýǵa alynǵan, dep habarlaıdy QazAqparat pavlodarnews.kz saıtyna silteme jasap.
Bul týraly oblystyq energetıka jáne turǵyn úı-kommýnaldyq sharýashylyǵy basqarmasynyń basshysy Erjan Imanzaıypov aıtty.
«Búgingi tańda kómir jetkizýshiler qatty otynnyń baǵasyn aıtarlyqtaı tómendetkeni baıqalyp otyr. Mysaly, oblys ortalyǵynda «Maıkóbe» markaly kómirdiń bir tonnasynyń baǵasy 9 900 teńge, al «Shubarkóldiki» - 14 myń teńge. Bul burynǵy baǵalardan 17% arzan», - dedi vedomstvo basshysy.
Budan bólek, 2018 jyly 10-31 jeltoqsan aralyǵynda «Elıt KZ» JShS maıkóbelik jáne shubarkóldik kómirdiń qunyn tómendetken.
Osy qaǵıdany «A-Vest Pavlodar» JShS men «Gareta» JK kásiporyndary da ustanǵan. Olarda «Maıkóbe», «Qarajyra» kómirleriniń quny 11,5% jáne «Shubarkóldiki» 5,5% deıin tómendetilgen.
