Pavlodar oblysynda komendattyq saǵatty buzǵan 479 adam ustaldy
«Qoǵamdyq tártipti, halyqtyń tynys-tirshiligin qamtamasyz etetin asa mańyzdy memlekettik strategııalyq nysandardy qorǵaý kúsheıtildi. Qaladan shyǵatyn joldardy polıtsııa qyzmetkerleri kúzetýde», - dep málimdedi Pavlodar oblysynyń komendanty Nurlan Másimov.
Onyń aıtýynsha, shekteý sharalaryna qaramastan azamattar komendattyq saǵatty buzyp jatyr.
«Komendattyq saǵat kezinde syrtta júrgen 479 azamat pen 242 avtokólik anyqtaldy. Olardyń árqaısysyna qatysty tótenshe jaǵdaı rejımin buzǵany úshin QR ÁQBtK-niń 476-baby boıynsha ákimshilik óndiris qozǵaldy. Atalǵan bap boıynsha tártip buzýshylarǵa 10 AEK kóleminde aıyppul salynady nemese 15 táýlikke ákimshilik qamaýǵa alynady», - dedi N. Másimov.
Materıaldar sotqa jiberildi. Kólikter arnaıy aıyppul turaǵyna qoıyldy. Blokpost arqyly 18 670 avtokólik, 30 725 adam ótken. Arnaıy ruqsaty bolmaǵan 417 avtokólik pen 1 044 azamatqa qaladan kirip-shyǵýǵa tyıym salyndy.
«Pavlodar oblysynyń komendatýrasy tótenshe jaǵdaı kezinde shekteý sharalaryn ustanyp, asa qajettilik bolmasa, úıden shyqpaýǵa, arandatýshylyqqa senbeýge jáne aqparatty tek resmı derekkózderden oqýǵa shaqyrady», - dedi Pavlodar oblysynyń komendanty Nurlan Másimov.
Avtory: Anton Gagarın
